Материал из Letopisi.Ru — «Время вернуться домой»

Статью необходимо переименовать- см. Имя статьи

Кор лунтöлыс кöдзыдсö нуас и потласяс гар, Сэк матыстчас миянö тулыс и ловзьöдас кар. Кор кутасны визувтны шоръяс, Кор вежъюгыд рöм, Ме вая тэныд Сывтыр льöм.

Кор шондiыс сьöлöмъяс шонтас и дзордзалас сад, Сэк гожöмыс кыпыда локтас, пöсь, нюмъялан кад. Кор войясыс лун кодь жö югыд И гажтöм он тöд, Ме вая тэныд Мича вöт.

Кор турияс лэбöны лунлань и шылясьö зэр, Сэк дженьыдöсь бара нин лунъяс, но мичмöдчö вöр. Кор лöньöма лэбачлöн сьылöм, Кор неуна нор, Ме вая тэныд Зарни кор.

Мед öвтыштас кöдзыдöн войтöв и пужъялас мед, Ме ачым öд кынмыны ог кут, и тэныд ог сет. Кöть муэжсö тупкöма тола И енэжыс руд, Ме вая тэныд Сывтыр шуд.

• * *

Сöмын тэ. Кор енэж öзтас кодзувъяслысь би, Пöсь муслун йылысь сёрнитыштам ми. Ме гöгöрвои, мый ме сöмын тэнö виччыси. Лым улын унмовсьöма миян кар, И кöнкö ылын колис зарни ар, Но киö усьö сэтшöм небыд лым, и шуан тэ:

Тöдан, медся мусаыс меным сöмын тэ, Сöмын тэ му вылын медся шань, Миян радейтчöм видз, Менсьым сьöлöмöс кыв, Быттьö небыдик лым, Менам киясын сыв.

Кор менсьым киöс кутö тэнад ки, Сэк торйöдчыны огö вермöй ми. Тэ шондi югöр, кодi пырис менам сьöлöмö. Ме аддзи тэнö уна йöз пöвстысь, И ачым ог тöд, кыдзи артмис сiдз, Но кöдзыд тöлын тэнад нюмйыд менö шонтöма.

• * *

Кор югыд ты дорад тэ волан, Сэк казьтыв менам синлысь рöм. Ме тöда, радейтчöмным олö, Кор югыд ты дорад тэ волан. Тэ тöд, мый меным ёна колан, Мый тэкöд овны кöсъя нэм. Кор югыд ты дорад тэ волан, Сэк казьтыв менам синлысь рöм.

• * *

Зонлöн сьыланкыв. Дум кö воас менам юрö, Прöста сiдз оз пет. Шуи кö, мый мыйкö вöча, Кута кывйöс, дерт. Воис, зонъяс, сэтшöм арлыд - Колö корсьны гоз. Тайö сиктас мича нылыс Сюрас али оз?

       Коркö-некоркö
       Гöтрася на, буракö.

Ме кодь зонмыс абу шыблöс, Стöча шуа тадз. Мый кöть колö, ставсö кужа, Уджын абу надз. Со тай олöм меным лоис, Мый кöть тэ эн вöч: Кадыс гöтрасьöмлы воис, Кутчысь, молодеч!

        Коркö-некоркö
        Гöтрася на, буракö.